Раҳмон ва Раҳим Аллоҳнинг исми билан (1:1)
56:1. Воқеъа воқеъ бўлганида,
56:2. Унинг воқеъ бўлганини инкор этувчи бўлмагай.
56:3. Кимнидир хорлайди, кимнидир юксалтиради.
56:4. Ер шиддат-ла силкинганда,
56:5. Тоғлар титилиб сочилганда,
56:6. Тўзилган чанг бўлганида,
56:7. Сиз уч гуруҳ бўласиз:
56:8. Ўнг тараф аҳли… Қандайин ҳам Ўнг тараф аҳли улар!
56:9. Сўл тараф аҳли… Қандайин ҳам Сўл тараф аҳли улар!
56:10. Энг илғорлар, илғорлар!
56:11. Ана ўшалар яқин олинган/муқарраблар,
56:12. Неъмат боғларида.
56:13. Аввалгилардан кўплар,
56:14. Қисман кейингилардан,
56:15. Ясатилган тахтлар устида,
56:16. Бир-бирига қараб ёнбошлаганча,
56:17. Атрофида айланар мангу навқирон ёшлар;
56:18. Оқар чашмалардан қадаҳлар, кўзалару-косалар ила,
56:19. Ундан бошлар ҳам оғримас, сархуш ҳам бўлинмас.
56:20. Ихтиёр этганлари мевалар,
56:21. Кўнгиллари тусаган қуш гўшти,
56:22. Ҳур-Ийн (Ҳур – давра; Айн – айни аслдан бўлган. Ҳур-Ийн – муминлар ва уларга имон ва тақвода эргашган жуфтлари ва зурриётлари – 52:21)
56:23. Яшириб сақланган дур каби;
56:24. Қилган амаллари эвазига.
56:25. Беҳуда сўз ҳам эшитмаслар у ерда, гуноҳга бошлар бир сўз ҳам.
56:26. Эшитар сўзлари фақат шу: “Салом/омонлик”.
56:27. Ўнг тараф аҳли… Қандайин ҳам Ўнг тараф аҳли улар!
56:28. Тикансиз гилослар ичра,
56:29. Мева тизилган бананзорлар,
56:30. Узайган соялар,
56:31. Оқар сувлар,
56:32. Кўплаб мевазор ичра,
56:33. Битмас-туганмас ва манъ ҳам қилинмас!
56:34. Баланд сўриларда.
56:35. Биз уларни янгидан яратдик,
56:36. Ва барвақт етиладиган қилдик,
56:37. Ва дарҳол таниладиган қилдик,
56:38. Ўнг тарафдагилар учун.
56:39. Аввалгилардан кўплар,
56:40. Кейингилардан кўплар.
56:41. Сўл тараф аҳли… Қандайин ҳам Сўл тараф аҳли улар!
56:42. Оловли шамол ва қайноқ сув ичида,
56:43. Қоп-қора тутун соясида,
56:44. На салқин беради у, на бирор фойда.
56:45. Улар олдин маишатга ботган эдилар.
56:46. Улкан гуноҳларда қайсар/давомли эдилар.
56:47. Дерлардики: “Биз ўлиб, тупроқ ва суякка айлангач, кейин қайта тириламиз эканми?
56:48. Ҳатто олдинги ота-боболаримиз ҳамми?”
56:49. Сен айт: “Олдингилар ҳам, кейингилар ҳам.
56:50. Маълум Кунга йиғиладилар”.
56:51. Кейин эса сиз, эй инкорчи гумроҳлар,
56:52. Заққум дарахтидан ейсизлар,
56:53. У билан қоринларни тўлдирасизлар,
56:54. Устидан қайноқ сув ичасизлар,
56:55. Чанқаган туянинг ичишидек!
56:56. Дин Кунида уларнинг манзили мана шу.
56:57. Сизларни Биз яратгандик; тасдиқ этсангиз бўлмасмиди?
56:58. Сиз тўккан манийни кўрганмисиз?
56:59. Уни сиз яратасизми, ёки Яратувчи Бизми?
56:60. Орангизда ўлимни ҳам Биз тақсим этамиз, Биздан ўзиб кетгувчи йўқ,
56:61. Ўрнингизга ўхшашингизни келтиришда, сизни сиз билмаган тарзда қайта яратишда.
56:62. Илк яратишни билардингиз, ундан ибрат олсангиз бўлмасмиди?
56:63. Нима экаётганингизни кўрганмисиз?
56:64. Уни сиз ундирасизми, ёки ундирувчи Бизми?
56:65. Истасак, уни қуруқ хас-чўпга айлантирамиз, сиз эса нолиб қолаверасиз:
56:66. “Биз энди қарзга ботдик!
56:67. Йўқ тамоман маҳрум бўлдик!”
56:68. Ичаётганингиз сувни кўрганмисиз?
56:69. Булутлардан уни сиз ёғдирасизми, ёки ёғдирувчи Бизми?
56:70. Истасак, уни шўр сув қилиб қўярдик. Шукр қилсангиз бўлмасмиди?
56:71. Чиқарганингиз оловни кўрганмисиз?
56:72. Унинг алангасини/шажарасини сиз иншо этасизми ёки иншо этувчи Бизми?
56:73. Биз уни бир ўгит/эслатма ҳамда чўлдан ўтганлар учун фойда қилдик.
56:74. Шундай экан, Улуғ Раббинг номини тасбиҳ этгин.
56:75. Йўқ! Нажмларнинг воқеъ бўлиш макон/замонларига қасамки, –
56:76. Бу ўта улуғ қасам, агар билсангиз –
56:77. Бу – Қуръони Карим/ўта кўп маънолар жамланган,
56:78. Яшириб сақланган Китобда,
56:79. Унга ҳеч ким етишолмайди, покланганлардан ўзга,
56:80. Оламларнинг Раббидан бир танзилдир.
56:81. Энди ушбу гапни/ҳадисни ҳам ўзгартириб оласизми?
56:82. Ризқингизни фақат ёлғон санашдан иборат қилиб оласизми?
56:83. Қачонки жон халқумга етганда,
56:84. Сиз у пайтда фақат қараб қоласиз.
56:85. Биз унга сиздан-да яқинроқмиз, лекин сиз кўрмайсиз.
56:86. Мабодо ҳисоб-китоб қилинмас/жазоланмас бўлсангиз,
56:87. Рост бўлса, қани уни қайтаринг!?
56:88. Мабодо у яқин олинган/муқарраблардан бўлса,
56:89. Унга роҳат, гўзал ризқ ва неъмат боғлари.
56:90. Агар ўнг тарафдагилардан бўлса,
56:91. Ўнг тарафдагилардан сенга Салом/Омонлик бор!
56:92. Мабодо инкорчи гумроҳлардан бўлса,
56:93. Қайноқ сувдан бир зиёфат ва
56:94. Жаҳаннамга улоқтирилиш бор.
56:95. Мана шу – аниқ ҳақиқат.
56:96. Шундай экан, Улуғ Раббинг номини тасбиҳ этгин!
