Раҳмон ва Раҳим Аллоҳнинг исми билан (1:1)
43:1. Ҳа Мим
43:2. Ва Очиқланган/Очиқлаган Китоб.
43:3. Биз уни Арабий Қуръон/аниқ тушунарли қилиб нозил этдик, токи ақл ишлатасиз.
43:4. У ҳузуримиздаги Она Китобда, Олий ва Ҳикматли.
43:5. Сиз ҳаддан ошган тўдасиз дея, Зикрни/Эслатмани сиздан кетказайликми?
43:6. Биз ўтганларга қанча Набийлар юбордик?
43:7. Ҳар гал Набий келганида, унинг устидан кулдилар.
43:8. Бас, булардан-да кучлиларни ҳалок этдик. Ўтганларнинг мисоли келтириб ўтилди.
43:9. Агар улардан сўрасанг: “Осмонлару-Ерни ким яратган?” Улар дейдики: “Куч-Қудрат ва Илм Эгаси яратган”.
43:10. У Ерни сизга бешик қилиб, йўлингизни топишингиз учун Ер юзида йўллар қилиб берди.
43:11. Самодан ўлчов ила сув туширди, ва у билан ўлик шаҳарни тирилтирдик. Сизлар ҳам ана шу каби чиқариласиз.
43:12. У барча турларни яратди ва минадиган кемалар ва ҳайвонлар бор этди сизга,
43:13. Токи уларга мингач, Раббингизнинг неъматини ёдда тутиб, дегайсиз: “Буларни хизматимизга берган Зот пок ва олийдир. Биз буни ўзимизча қила олмас эдик.
43:14. Биз албатта Раббимизга қайтамиз”.
43:15. Унинг бандалари орасидан Унга жузъ/парча қилиб олишди. Ҳақиқатан, инсон очиқча нонкўр.
43:16. Ёки Ўзи яратган махлуқлардан қизларни олиб, сиз учун ўғилларни танлабдими?
43:17. Мабодо Раҳмонга нисбат берганлари/қизлар ҳақида ўзига мужда берилса, юзлари қорайиб, ғазабини зўрға ютиб туради:
43:18. “Фақатгина ясатиб/асраб ўстирилган, аммо курашда/тортишувда ўзини очиқ ифода ҳам этолмайдиган ҳақида, шундайми?!”
43:19. Раҳмоннинг қуллари бўлмиш Малакларни/куч ва илм эгаларини улар аёл санайдилар. Сиз уларнинг яратилишида гувоҳ бўлганмисиз? Гувоҳликлари ёзиб қўйилади, ўзлари сўроқ қилинади.
43:20. Дедилар: “Агар Раҳмон истаганда, биз уларга қуллик қилмасдик”. Уларда бу ҳақда ҳеч қандай илм йўқ. Улар фақат ёлғон уйдирмоқда.
43:21. Ёки уларга олдин Китоб берганмиз-у, шуни маҳкам тутишмоқдами?
43:22. Йўқ аксинча, улар дедиларки: “Биз ота-боболаримизни бир уммат ҳолида топдик ва уларнинг изини йўл тутамиз”.
43:23. Сендан олдин қай шаҳарда огоҳлантирувчи юборган бўлсак, у ернинг тўқлари худди шундай дейишганди: “Биз ота-боболаримизни бир динда топганмиз, ва уларнинг изини йўл тутамиз”.
43:24. Деди: “Агар ота-боболарингиз йўлидан ҳам тўғрироғини келтирсам-чи?” Дедилар: “Сиз келтирган Рисолатни рад этамиз/унга кофирмиз”.
43:25. Биз улардан интиқом олдик. Ёлғон санаганларнинг оқибати қандай бўлганига бир қара.
43:26. Мана, Иброҳим отасига ва қавмига деди: “Мен сизлар сиғинаётган нарсалардан узоқман.
43:27. Мени йўқдан бор этган Зот мустасно, Унинг Ўзи менга Тўғри Йўлни кўрсатади”.
43:28. Буни келажакда боқий қолувчи сўз қилди, токи унга/Иброҳимнинг йўлига қайтсинлар.
43:29. Мен анавиларни ва ота-боболарини то уларга Ҳаққ ва уни очиқ баён этувчи Расул келгунига қадар фойдалантирдим.
43:30. Уларга Ҳақ келганда эса: “Бу сеҳр, биз уни тан олмаймиз/унга кофирмиз” дедилар.
43:31. Улар дедилар: “Бу Қуръон икки шаҳарнинг улуғ инсонига нозил қилинганда эди…”
43:32. Роббингнинг раҳматини улар тақсим этадими? Биз Ўзимиз улар орасида дунё ҳаётини тақсим этамиз, улардан баъзиларни бошқалардан фарқли даражада фазилатли қиламиз, токи бир-бирига хизмати/ёрдами тегсин. Раббингнинг раҳмати уларнинг ғамлаганидан яхшироқ.
43:33. Одамларнинг бир уммат/нонкўр жамоа ҳолига келиши бўлмаганда, Раҳмонга нонкўр бўлганларнинг уй шифтларини кумушдан қилардик, ва уларга юксалиб чиқажак зиналар ҳам қилиб берган бўлардик.
43:34. Ва уйларига эшиклар, ва устида ёнбошлайдиган сўрилар,
43:35. Ва безаклар қилиб берган бўлардик. Лекин буларнинг барчаси дунё ҳаётида фойдаланиш холос. Раббинг ҳузурида Охират диёри фақат тақво эгалари учун.
43:36. Кимки Раҳмоннинг Эслатмасига кўр бўлиб олса, уни шайтон/йўлдан оздирувчи билан ўраб қўямиз, бундан буён унинг ҳамроҳи ўша.
43:37. Улар ўзгаларни Тўғри Йўлдан тўсади, аммо ўзларини тўғри йўлда санайди.
43:38. У Бизга келганда, деди: “Қанийди сен билан орамиз икки машриқ каби узоқ бўлсайди, қандайин ёмон ҳамроҳ экансан!”
43:39. Бугун сизга булар фойда бермас, чунки сиз зулмлар қилгансиз, энди азобда ҳам шериксиз.
43:40. Эшитмас карга эшиттирмоқчимисан? Ёки кўрни ва очиқ адашувдагини йўлга солмоқчимисан?
43:41. Ёки сен ўтгач, улардан интиқом олсак ҳам,
43:42. Ёки уларга қилган ваъдамизни кўришни сенга насиб этсак ҳам, Уларга кучимиз етади.
43:43. Шу боис, сен фақат ўзингга ваҳй қилинганни маҳкам тут, сен Тўғри Йўлдасан.
43:44. У сенга ва қавмингга бир Зикр/Эслатма, яқинда сўроқ қилинасизлар.
43:45. Сендан олдин юборганимиз Расуллардан сўрагин-чи, Раҳмондан ўзга қуллик қилинажак илоҳлар қилибмизми?
43:46. Биз Мусони ўз Оятларимиз ила Фиръавнга ва аъёнларига юбордик. У деди: “Мен Оламларнинг Рабби юборган Расулман”.
43:47. Уларга оят-далилларимизни келтирганида, улар мазах қилиб кулдилар.
43:48. Биз уларга кўрсатган ҳар бир оят-ишорат олдингисидан каттароқ эди. Биз уларни Азоб билан ушладик, токи қайтсинлар дея.
43:49. Улар дедилар: “Эй сеҳрбоз, Раббингга бизни дуо қил, сенга берган Ваъдаси ҳаққи, биз Тўғри Йўлга юрамиз”.
43:50. Улардан азобни кетказишимиз билан, улар ваъдасидан тондилар.
43:51. Фиръавн ўз тўдасига нидо қилди: “Эй менинг қавмим! Ахир Мисрнинг Мулки/Эгалиги ва пойимда оқаётган мана бу дарёлар менинг эмасми? Кўрмаяпсизми?”
43:52. “Мен яхшиманми ёки манави, ўз-ўзини очиқ баён қила олмайдиган хорми?
43:53. Унга олтин билакузуклар берилиши ёки Малаклар/куч эгалари ҳамроҳлигида келиши керак эмасмиди?”
43:54. У ўз қавмини паст кўрди, қавми ҳам шунга кўнди. Зеро улар фосиқ/йўлдан озган қавм эди.
43:55. Бизни ғазабимизга дучор бўлдилар, Биз улардан интиқом олдик, барчасини ғарқ қилдик.
43:56. Биз уларни кейингилар учун салафлар ва мисоллар қилдик.
43:57. Марям ўғли мисол келтирилганида, қавминг у ҳақда бақириб-чақира кетди:
43:58. “Илоҳларимиз яхшими ёки уми?” дедилар. Улар сенга бу мисолни фақат тортишиш учун келтиради. Ҳақиқатан, улар шунақа жанжалкаш қавм.
43:59. У – Биз неъмат берган ва Исроил ўғилларига ўрнак қилган бир Қул холос.
43:60. Агар истасак, сизларни Ер юзида кетма-кет ҳукм сурадиган Малаклар/куч ва илм эгалари қилган бўлардик.
43:61. Бу – Қиёмат Соати учун бир илм/маълумот/аломат. Шу боис У ҳақда шубҳа қилманг, менга эргашинг. Мана шу Тўғри Йўл.
43:62. Шайтон сизни чалғитмасин. У сизга очиқ душман.
43:63. Исо очиқ баён этилган далиллар келтириб, деди: “Мен сизга ушбу Ҳикмат ила келдим – сиздаги ихтилофларнинг баъзисини баён қилиш учун. Аллоҳга тақво қилинг ва Менга бўйсунинг.
43:64. Аллоҳ – менинг ҳам Раббим, сизнинг ҳам Раббингиз. Ёлғиз Унга қуллик қилинг; Тўғри Йўл мана шу”.
43:65. Ҳизблар/мазҳаблар ўзаро ихтилофга тушдилар. Зулм қилганларнинг Аламли Кун азобидан ҳолига вой.
43:66. Қиёмат Соати тўсатдан, ўзлари сезмаган ҳолда келишидан ўзга нимани кутишмоқда?
43:67. У Кунда энг қалин дўстлар ҳам бир-бирига душман, фақат тақво эгалари мустасно.
43:68. “Эй Қулларим! Бу Кун сизга хавф-хатар йўқ, сизлар маҳзун бўлмайсиз”.
43:69. Улар Бизнинг оятларимизга ишониб тасдиқлаган ва уларга таслим бўлганлар,
43:70. Киринг энди Жаннатга. Ўзингиз ҳам, жуфтларингиз ҳам шод-хуррамлик ила.
43:71. Уларга олтиндан табоқлар ва қадаҳлар сунилади. Бу ерда кўнгил не истаса муҳайё, ҳамда кўзлар лаззати! Сиз бу ерда абадий қоласиз.
43:72. Қилган амалларингиз эвазига мерос қилиб берилган Жаннат мана шу.
43:73. У ерда сизнинг ейишингиз учун турли мевалар бор.
43:74. Жиноятчилар эса жаҳаннам азобида абадий қолади.
43:75. Улардан азоб асло енгиллатилмайди. У ерда умиди узилади.
43:76. Биз уларга зулм/ноҳақлик қилмадик, балки улар ўзлари зулм/ноҳақлик қилувчи эдилар.
43:77. Улар нидо қилдилар: “Эй Молик, Раббинг ишимизни битирсин!” У деди: “Сизлар ҳали узоқ кутасиз..!”
43:78. Биз сизга ҳаққни келтирган эдик, лекин кўпингиз ҳаққни ёқтирмайсиз.
43:79. Ёки бу ҳаққа қарши бирор ишга қарор қилишганми? У ҳолда Биз ҳам қарор қилганмиз.
43:80. Ёки уларнинг сирларини ва яширин суҳбатларини эшитмаяпмиз деб ўйлайдиларми? Йўқ! Эшитиб турибмиз, ёнларида элчиларимиз ёзиб ҳам туришибди.
43:81. Сен айт: “Агар Раҳмоннинг фарзанди бўлганида, энг биринчи бўлиб мен унга қуллик қилардим”.
43:82. Осмонлару-Ернинг Рабби, Аршнинг Рабби, уларнинг айтаётган сифатларидан пок ва олийдир.
43:83. Уларни қўйиб бер, ваъда қилинган Кунга рўбарў келгунча шўнғисин ва ўйнаб қолсин.
43:84. У Самода ҳам илоҳ, Ерда ҳам илоҳ. У Ҳаким, Алим /чексиз ҳикмат ва илм Эгаси.
43:85. Осмонлару-Ернинг ҳамда иккиси орасидагининг Мулки/Эгалиги Унинг бўлган зот Қутлуғ-Муборакдир! Қиёмат Соатининг илми Унинг ҳузурида, ва ёлғиз Унга қайтариласиз.
43:86. Ундан ўзга дуо қилаётганлари шафоатга эга эмаслар. Фақатгина ҳақни билиб унга гувоҳ бўлганлар мустасно.
43:87. Агар улардан сўрасанг: “Уларни ким яратган?” дея, улар дейишадики: “Албатта Аллоҳ”. У ҳолда қанчалар ҳам юз ўгиришмоқда?
43:88. Унинг: “Эй Раббим, булар иймон келтирмайдиган қавм” дейиши ҳаққи,
43:89. Сен улардан воз кечиб, айт: “Тинчлик/Омонлик”. Улар яқинда билиб олишади.
