Раҳмон ва Раҳим Аллоҳнинг исми билан (1:1)
73:1. Эй ўз либосига буркалган!
73:2-3-4. Кечаси қоим бўл; оз қисми, унинг ярми, ундан озроғи ё кўпроғи мутасно. Қуръонни тартил* ила ратл айла.
(*Тартил – жамланган моддий ризқларни тўғри тақсимлаш/нозил бўлган оятларни тўғри тартибга солиш)
73:5. Яқинда Биз сенга Оғир Сўз юклаймиз.
73:6. Кечаси қоим бўлиш самаралироқ, сўз ҳам таъсирлироқ.
73:7. Зеро Кундузда зиммангда узоқ бандлик/машғулот бор.
73:8. Раббинг номини ёд айла ва бутун қалбинг ила Унга таслим бўл.
73:9. У Машриқ ва Мағрибнинг Рабби. Ундан ўзга илоҳ йўқ. Ёлғиз Уни вакил тутгин/ёлғиз Унга суянгин.
73:10. Уларнинг айтаётганларига сабр айла, ва чиройли тарк эт.
73:11. Ўша мол ва ўғиллари бўлиб, ёлғон санагувчиларни Менга қўйиб бер, бироз муҳлат бер уларга.
73:12. Бизда кишанлар ва Жаҳаннам бор.
73:13. Томоқни тирнайдиган таомлар ва алам берувчи азоб бор.
73:14. У Кунда Ер ва Тоғлар ларзага келади, тоғлар қум уюмларига айланади.
73:15. Сизга гувоҳ қилиб Расул юбордик, худди Фиръавнга Расул юборганимиздек.
73:16. Фиръавн Расулга осий бўлди/бўйин товлади, уни ўта оғир ушлаш билан ушладик.
73:17. Агар сиз ҳам рад этсангиз, ҳали ёш болани қаритадиган Кундан қандай ҳимояланасиз?
73:18. Унинг даҳшатидан осмон ёрилади, Аллоҳнинг ваъдаси албатта рўёбга чиқади.
73:19. Бу бир Эслатиш холос, ким хоҳласа, Рабби сари йўл олади.
73:20. Раббинг сенинг ярим кечаси, ва учдан бирида қиём этишингни билади, сен билан бирга бўлганларнинг ҳам. Кеча ва Кундузнинг ўлчовини қўйган Аллоҳ сени авф этди, сизлар бу ҳисобга тўлиқ риоя қилолмаслигингизни билар эди, шу боис, Қуръондан сизга муяссар бўлганини қироат қилинг/жамланг. Аллоҳ билардики, орангизда хасталар, Аллоҳнинг фазлу марҳаматини кўзлаб сафар қилувчилар ва Аллоҳнинг йўлида жанг қилувчилар бўлади. Бас, Қуръондан муяссар бўлганини қироат қилинг/жамланг. Салотни қоим қилинг/унда Кўрсатилган Йўлга эргашинг/, ва Закотни адо этинг/уни покиза тутинг – Аллоҳга чиройли қарз беринг. Ўз келажагингиз учун ҳозирлик кўринг, Аллоҳнинг даргоҳида яна-да яхшироғини, эвази буюкроғини топасиз. Аллоҳдан кечирим истанг. Албатта, Аллоҳ кечиримли, раҳмдил.
