Раҳмон ва Раҳим Аллоҳнинг исми билан (1:1)
82:1. Само ёрилганида,
82:2. Юлдузлар сочилганда,
82:3. Денгизлар тоштирилиб,
82:4. Қабрлар чиқарилганда,
82:5. Ўшанда ҳар бир жоннинг қилгани ва тарк этгани маълум бўлади.
82:6-7-8. Эй инсон, сени мукаррам қилган Раббинг ҳақда сени нима алдаб қўйди? У сени бекаму-кўст яратганди, истагани суратда таркиб этганди?
82:9. Аммо йўқ! Аксинча, Сизлар Дин Кунини ёлғон санайсиз –
82:10. Устингизда Кузатувчи* бор – (*82:5 ҳар амалингиздан хабар берувчи Зот – 86:4)
82:11. Қолдирмай тўлиқ қайд этиб боргувчи,
82:12. Сизнинг ҳар бир феълингизни билгувчи.
82:13. Яхшилар – жаннатнинг бағрида.
82:14. Ёмонлар – дўзах қаърида.
82:15. Дин Кунида унга улоқтирилади.
82:16. Ундан асло қутулолмайди.
82:17. Дин Куни /Ўзаро Ҳақлар ўталадиган Кун нима, биласанми?
82:18. Яна бир бор – Дин Куни /Ўзаро Ҳақлар ўталадиган Кун – нима, биласанми?
82:19. Шундай Кунки, унда ҳеч ким ҳеч ким учун бирор нарсага молик эмас, барча Амр/Иш ёлғиз Аллоҳнинг.
