Раҳмон ва Раҳим Аллоҳнинг исми билан (1:1)
89:1. Тонг,
89:2. Ўн кеча, (7:142)
89:3. Тоқ ва жуфт,
89:4. Ва кетаётган авйти Кеча,
89:5. Ақл эгалари учун бунда олингуси қасам/ибратлар бор эмасми?
89:6. Од қавмига Раббинг нима қилганини кўрмадингми?
89:7. Устунлар эгаси Эрамга?
89:8. Ҳеч бир диёрда уларнинг мисли яратилмаган эди,
89:9. Водийда қоялар ўйган Самудга?
89:10. Эҳромлар эгаси Фиръавнга? (38:12)
89:11. Улар шаҳарларда ҳаддидан ошдилар/Туғёнга ботдилар –
89:12. У ерда бузғунчиликни зиёда қилдилар.
89:13. Раббинг уларнинг бошига азоб қамчисини ёғдирди.
89:14. Зеро Раббинг барча нарсани кўриб кузатиб туради.
89:15. Инсонга Рабби иззат-икром кўрсатса, синов учун неъмат ато этса, дейдики: “Раббим мени мукаррам айлади”.
89:16. Аммо, қачонки Рабби синов учун унинг ризқини ўлчовли қилса, дейдики: “Раббим мени хор* айлади”. (*”Кимга бойлик ва давлат берса демак уни яхши кўради, ўша ҳаққ, муминлар ҳаққ бўлганда хор бўлмасди”, деган ботил эътиқод)
89:17. Йўқ, аксинча! Сиз ўзингиз етимга иззат-икром кўрсатмайсиз.
89:18. Мискинни тўйдиришга ташвиқ этмайсиз.
89:19. Меросни ҳирс-ла еб тугатасиз.
89:20. Бойликни яхши кўриш сизда чексиз-чегарасиз.
89:21. Аммо йўқ! Қачонки Ер кетма-кет силкиниб текис қилинганда,
89:22. Раббинг ва саф тортиб Малак* келганида. (*Малак – куч эгаси. Зикр этилган азоб қамчиси – 89:13)
89:23. Ана ўша Кунда жаҳаннам келтирилади. У Кунда инсон эслайди, лекин унинг эслашидан энди нима наф?
89:24. “Эҳ кошкийди ҳаётимга ҳозирлик кўрсам!” дейди.
89:25. У Кунда унинг тортган азобини бошқа ҳеч ким тортмайди.
89:26. Уни боғлаганидек бошқа ҳеч кимни боғлашмайди.
89:27. Эй ҳузур-ҳаловат топган жон! (13:28)
89:28. Бу Кун рози бўлган, розилик топган ҳолда Роббингга қайтгин. (9:100; 98:8)
89:29. Қулларим қаторига киргин! (4:69)
89:30. Менинг жаннатимга киргин! (36:26)
